5 / 16
5
dokumenterer eg ikkje berre, eg fortel ei
forteljing, formidlar ei stemning.
Intuisjon
Salgado har også sagt at han ikkje trur
fotografar har ein eigen stil, men at ein
har ein måte å fotografere det som er inni
ein på. At det som allereie er der kjem ut.
– Eg er heilt einige i det, seier Andreas.
– Du legg ditt syn inn i biletet, dine
følelsar, dine tankar. Det er innanfrå du
får dei ekte bileta. Og det er veldig viktig
å høyre på denne indre stemma.
Andreas fortel at han sjeldan planlegg i
detalj når han er ute og fotograferer. Det
handlar mykje om intuisjon.
– Eg kan reise til eit område eg synest
er spennande, og så får eg kanskje ei
slags kjensle av det gode biletet. Eg ser
noko som rører meg, og eg ser for meg
eit bilete i hovudet. Spørsmålet er ofte
om eg greier å fange det biletet eg ser i
hovudet gjennom kameraet.
Å skrive med lys
Året er snart på sitt mørkaste no, dagane
vert kortare og kortare.
– Lyset betyr alt, seier Andreas. – Kva meir
kan eg seie? Det ville berre vere å bruke
fleire ord på å seie det same. Å foto
grafere tyder trass alt å skrive med lys.
Det stemmer at dagane vert kortare og
at lyset forsvinn meir og meir, men lyset
vert også på mange måtar meir og meir
intenst og mektig. Sola står lågt, men det
lyset den gjev, har ein anna…kvalitet.
Generelt er det fantastisk lys her i vest,
men det er noko spesielt no om vinteren.
Desemberlyset
– Kva betyr desemberlyset for deg som
person og for deg som fotograf?
Andreas Winter.