Rektor: Åshild Melkeraaen
Midsund kulturskule
Midsund kulturskule hadde ved utgongen av 2013, 155
elevplassar på faste undervisningstilbod i musikk og dans,
inkludert medlemmar i kor og korps. I tillegg kjem deltakarar på
tidsavgrensa kurs, og elevar frå 1.- 4. klasse som deltek på gratis
SFO- tilbod. 71 elevar i grunnskulealder var med på eitt eller fleire
faste tilbod. Dette utgjer om lag 25 prosent av elevmassen i
Midsund.
Kulturskulen blir leia av kulturskulerektor, og er administrativt underlagt rådmannen. Det har
vore 5 fast tilsette i kulturskulen i 2013, fordelt på 235% stilling. I tillegg er det kjøpt
danselærar i 25 % stilling frå Operaen i Kristiansund.
Vi hadde i 2013 opplæring i piano, gitar, bass, song, slagverk, trompet, torader, drill og dans,
i tillegg til kor og korps.
Hovudoppgåver
Midsund kulturskule skal vere et ressurs- og kompetansesenter for kulturfag i kommunen
gjennom opplæring, oppleving og formidling innan ulike kulturfag. Vi har hatt hovudfokus på
musikk, men ønskjer å utvide dette til også å gjelde fagområda dans, teater, bildefag og
skapande skriving. Kulturskulen manglar definert visjon og overordna målsetting/ plan. Det vil
bli ei prioritert oppgåve i 2014 å formulere og integrere dette.
Mål
Måloppnåing
Brukarar
Å gje eit godt og bredt tilbod til innbyggarane i
kommunen innan opplæring i kulturfag, der ventelistene
er så korte som mogleg. Born og unge prioriterast, men
det skal også vere tilbod til vaksne.
Kulturskulen hadde ingen elevar på venteliste i 2013.
Vi hadde tilbod om fleire kurs som ikkje vart sett i gong
grunna manglande interesse, samstundes som det vart
sett i gong nye tilbod der det var meir naturleg for
vaksne å delta.
Elevane skal lære seg eit kunstfagleg handtverk
gjennom undervisning som held god kvalitet.
Tilgjengelege fagplanar for kvart fag skal ligge i botn for
undervisninga, men alle elevar skal få tilpassa
undervisning.
Vi har utarbeidd fagplanar for einskilde instrument,
men dette arbeidet er ikkje ferdig.
Kulturskulen skal samarbeide med heimen for å
stimulere og motivere elevane til å få mest mogleg ut av
undervisninga.
Foreldresamtalar vart ikkje gjennomført i 2013. Dette
blir prioritert i 2014.
Alle elevar skal delta som aktive utøvarar og
publikumarar ved ulike arrangement gjennom året.
Vi arrangerer små «huskonsertar» og større
«terminkonsertar». I tillegg opptrer elevar etter
førespurnad frå andre (pensjonisttreff, aldersheimen
Midsundfestivalen m.v.)
Elevane skal få høve til å oppleve god samhandling
med andre elevar, for å auke kvalitet og motivasjon.
Samspelsgrupper vert sett saman gjennom heile året.
61
